Saturday, December 19, 2009
Thursday, December 3, 2009
“ ပြန်ဆုံမယ်အဖေ ”
တကိုယ်ရည်နေ့တွေက
အထီးကျန်ဆန်လွန်းလှတယ် အမေရယ်
အမြင်မတူကြလို့ ပြန်မပြောတတ်ရင်
ပြန်မပြောနားမထောင်လုပ်တတ်တဲ့သား
အကြီးအငယ်၊အလယ်အလတ်မရွေး
သားဘ၀မှာဆရာကောင်းတချို့တွေ့ခဲ့လို့
အခုအချိန်မှာတော့
တည်ငြိမ်မှုတခုရနေပြီ အမေ့့့  ။
သားဘ၀မှာ အမေနဲ့ပြန်ဆုံဖို့ကြိုးစားရင်း
ကြိုးစားရင်းနဲ့ပဲ
သားပြန်အလာကိုမစောင့်နိုင်တော့တဲ့ အမေ
သားငယ်ကြောင့် ငိုခဲ့ရတာတွေရှိခဲ့ရင်
အမေကောင်းရာဘုံဘ၀ကနေ
သားကိုခွင့်လွှတ်ပါ့့့  ။
မဖြောင့်ဖြူးတဲ့ ဘ၀လမ်းမှာ့့့့့ 
ယုံကြည်ချက်တခုကို
စွဲမြဲစွာဆုပ်ကိုင်ကာ
အစွန်းနှစ်ဖက်ကိုမရောက်စေဖို့
အမေငယ်ငယ်က ပြောခဲ့သလိုမျိုး
နဖူးပေါ်လက်တင်ပြီး
သေသေချာချာသားစဉ်းစားခဲ့တယ့့့်  ။
စနစ်ဆိုးအောက်မှာမွေးဖွားလာခဲ့တဲ့သာ့း့့့့ 
အမေ့အိမ်ကိုစွန့်ခွါလာခဲ့ရကာ
ခက်ခဲကြမ်းတမ်းတဲ့
ဘ၀တိုက်ပွဲတွေကိုဝင်ရတော့မှ
အမေပြောခဲ့တဲ့စကားတွေက
မြေကြီးလက်ခတ်မလွဲ
မှန်နေတာကို သားသိခဲ့ရတယ့့့်  ။
အရှုံးမပေးပါဘူး အမေ့့့့့ 
သားကအမှန်တရားအတွက်ဆိုရင်
ခေါင်းမာတတ်တာကိုအမေအသိဆုံးပါ
တရားဓမ္မနဲ့ပျော်မွေ့နေတဲ့ အဖေ
သားမိုက်လေးလို့ချစ်စနိုးခေါ်ခဲ့ပေမယ့်
သားငယ်မမှားတာကို
အဖေကောင်းကောင်းသိခဲ့ပါတယ့့့်  ။
အဖေပြောခဲ့သလိုပဲ့့့့့ 
ရှေးဘ၀၀ဋ်ကြွေးတွေကြောင့်
သားတိုခွဲနေကြရပေမယ့်
တော်ရာအရပ်မှာပျော်အောင်နေရင်း
အဖေရေ
ဂန္တ၀င်မြောက်စွာနဲ့
အိမ်ကိုပြန်ဝင်လာနိုင်အောင်
နည်းလမ်းအသစ်တွေရှာကြံကာ
ပြန်ဝင်လာဖို့ကြိုးစားနေဆဲပဲ
ဖိုးသက်ရှည်သားချစ်တဲ့ အဖေ
သားတို့တတွေ ထမင်းလက်ဆုံအတူစားဖို့
အားတင်းလို့စောင့်လိုက်အုံးပေါ့့့  ။
ဇာနည်မောင်
၃.၁၂.၂၀၀၉ ( ကြာသာပတေးနေ့ )
Labels:
ဇာနည်မောင်
Subscribe to:
Posts (Atom)